ອາຟຣິກາໃຕ້ ພ້ອມແລ້ວເປັນເຈົ້າພາບຈັດກອງປະຊຸມສຸດຍອດກຸ່ມບຣິກສ
ຜູ້ນຳປະເທດກຸ່ມບຣິກສ
ສຳນັກຂ່າວ ຊິນຮວາ ລາຍງານເມື່ອບໍ່ດົນມານີ້ວ່າ: ທ່ານ ນາງ ມາເລດີປານດໍ ລັດຖະມົນຕີການຮ່ວມມື ແລະ ຄວາມສຳພັນລະ ຫວ່າງປະເທດ
ຂອງອາຟຣິກາໃຕ້ ເວົ້າວ່າ: ອາຟຣິກາໃຕ້ ກຽມພ້ອມແລ້ວທີ່ຈະເປັນເຈົ້າພາບຈັດກອງປະຊຸມສຸດຍອດກຸ່ມ BRICS ໃນວັນທີ 22-24 ສິງຫາ 2023
ນີ້. ກອງປະຊຸມດັ່ງກ່າວ, ຈະມີຜູ້ນຳປະເທດກຸ່ມບຣິກສ ທີ່ປະກອບມີ: ປະເທດ ບຣາຊິນ, ຣັດເຊຍ, ອິນເດຍ, ສປ ຈີນ ແລະ ອາຟຣິກາໃຕ້.
ນອກຈາກນີ້, ຍັງຈະໄດ້ເຊີນຕາງໜ້າຜູ້ນຳຈາກ 69 ປະເທດຈາກ ອາຟຣິກາໃຕ້ ແລະ ບັນດາປະເທດຂົ້ວໂລກໃຕ້ເຂົ້າຮ່ວມ. ກອງປະຊຸມຄັ້ງນີ້ມີຫົວ
ຂໍ້ວ່າ: ກຸ່ມບຣິກສ ແລະ ອາຟຣິກາ ຄູ່ ຮ່ວມມືເພື່ອຊຸກຍູ້ການພັດທະນາ ການເຕີບໂຕແບບຍືນຍົງ ແລະ ການຮ່ວມມືສອງຝ່າຍ "BRICS and Africa
partnerships for mutually Accelerated Growth Sustainable Development and inclusive Muilateralism".
ນອກຈາກນັ້ນ, ກອງປະຊຸມສຸດຍອດກຸ່ມ BRICS ຍັງຈະໄດ້ປະກາດຮັບເອົາ 5 ປະເທດ ເຂົ້າເປັນສະມາຊິກຢ່າງເປັນທາງການຄື: ອາຣາບີ ຊາອູດິດ,
ສະຫະລັດອາຣັບ ເອມິເຣດ, ເອຢິບ, ອາກຊັງຕິນ ແລະ ອິນໂດເນເຊຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/08/2023